Daughter... glimpse of innocence!

Pita ki laadli maa ki jaan hoti hai beti,
Saare jaha.n se pyari hoti hai beti,
Unagli uthe koi,to laDh jati hai beti…
To fir kyu.n parai hoti hai beti..?

Khushi sabko deti hai beti,
Mushkil me.n sath nibhati hai beti,
aNsu har kisi ke sukhati hai beti,
To fir kyu.n parai hoti hai beti?

Pita ke baad maa ke kareeb hoti hai beti,
Apne maa-baap par qurbaan hoti hai beti,
Karti hai sabse jyada maa-baap ki chinta 'ritu',
To fir akhir kyu.n parai hoti hai beti??