Yeh bhi to ho sakta hai….

Chupke chupke mujhe dekhna adat me shamil uski,
Mujhko apna maan liya ho,yeh bhi to ho sakta hai….

Meri khushiyo.N ki parwaah mujhse jyada karta hai,
Jajbaato.n ko jaan liya ho,yeh bhi to ho sakta hai…

Kal tak mujhse laDna milna itna hi to kaam tha uska,
Mera sapna dekh liya ho,yeh bhi to ho sakta hai…

Aj suna hai dilli(Delhi) ko jaanewala hai vo shehjada,
Kuch man me.N Thaan liya ho,yeh bhi to ho sakta hai…

Uske baad kaise jee pauNgi darti rehti hooN,
Vo bhi meri yaad me.N taDpe,yeh bhi to ho sakta hai…

Ek jhalak pane ko pahunchi uske ghar chupke se,
Usne mujhko dekh liya ho,yeh bhi to ho sakta hai…